گەڕاندنەوەی ئێسکە بەبەردبووەکە بۆ مۆزەخانەی گەرمیان

زایەڵە ـ شوێنەواری گەرمیان ڕایگەیاند،   ئەمڕۆ وەکو لیژنەیەک بەسەرپەرشتی بەڕێوەبەری شوێنەوارو کەلەپوری گەرمیان  ، سەردانی زانکۆی سلێمانی - کۆلێژی زانست - بەشی جیۆلۆجی و بەشی بایۆلۆجی مان کرد بۆ گفتۆگۆکردن ولێکتێگەیشتنێک دەربارەی ئێسکە بەبەردبووەکە و دواتر گەڕاندنەوەی بۆ مۆزەخانەی شارستانی گەرمیان ،  کە بە خۆشحاڵیەوە پێشوازییان لێکردین و  هاوکاریان کردین لە گەڕاندنەوەی ( ئێسکە بەبەردبووەکە )  وە هەرچەندە لە سەرەتای دەرکەوتنی ئێسکەکە جۆرێک لە هەڵە تێگەیشتن هەبووە لە دەرهێنانی ئێسکەکە و کارکردن لە شوێنەکە بەڵام لە سۆنگەی خەمخۆرییان بۆ پاراستنی  ئێسکەکە و بەها مێژوویەکی بەو پەڕی ئامانەتەوە پارێزگاریان لێکردوەو پاراستویانە ، وەهەروەها بەم نزیکانەش  لیژنەیەکی هاوبەش  پێکدەهێنرێت بۆ ئامادەکردنی توێژینەوەیەکی زانستی لەسەر ئێسکە بە بەردبووەکە .
  لە ئێستادا ئێسکەکە پێوستی بە چاککردنەوەی پارچەکانی هەیەو دوای چاککردنەوە وبەهێزکردنی پارچەکانی  شوێنێک بۆ نمایشکردنی لەناو مۆزەخانەی گەرمیان دابین دەکرێت بۆ ئەوەی هاوڵاتیان و گەشتیاران لە نزیکەوە بیبینن . زۆر سوپاس بۆ ئیدارەی گەرمیان
بەڕێوەبەرایەتی گشتی شوێنەوارو کەلەپور
زانکۆی گەرمیان و زانکۆی سلێمانی -کۆلێجی زانست و بەشی جیۆلۆجی و بایۆلۆجی  بۆ هاوکاری و بەدواداچونەکانیان .
کامەران کەریم