نەژیڤانانی ژاپۆن بۆ یارمەتیدانی بەساڵاچووان ڕوبۆتی (بزنەکێوی)یان ساز کردووە

Jun 27, 2022

زایەڵە ـــ نەژیرڤانانی پیشە قورسەکانی کاوازاکی ژاپۆن، پەردەیان لادا لە دوایین داهێنانی خۆیان.

ڕوبۆتێکی چوارپێ بە نێوی بزنەکێوی کە بڕیار وایە یارمەتیدەری بەساڵاچووان بێ لە بەڕێوەبردنی ئیش و کاریاندا.

نموونەی ڕاستەقینەی ئەم بزنەکێوییە زۆرتر لە شاخەکانی ئەورووپا، ئاسیا و باکووری ڕۆژهەڵاتی ئەفریقا بوونیان هەیە و دەژین.

جۆرە ڕوبۆتێ کە لەڕووی ئەم بزنەکێوییە ساز بووە بە مەبەستی هات و چۆ لە شوێنە ناڕێک و نالەبارەکاندا و هەروەها گواستنەوەی کەل و پەلی پێویست، پێک هاتووە. ئەم روبۆتە بۆ گواستنەوەی مرۆڤ و هەروەها بۆ بەڕێوەبردنی هەموو جۆرە ئەرک و ئیشێ زۆر بەکەڵک و سوودە.

ژاپۆن بەهۆی حەشیمەتی بەساڵاچووی، زۆر حەزی لە دۆزینەوەی ڕێگاگەلێکە بۆ یارمەتیدانی بەساڵاچووان.

ژاپۆن یەکێک لە گەورەترین وڵاتانی پیشەسازییە کە حەشیمەتی بەساڵاچووی ڕۆژ لە دوای ڕۆژ ڕوو لە زیاد بوون دەکات و ئەمە کێشەسازە هەم لەبواری ئابوورییەوە هەمیش لەبواری سیاسییەوە.

نزیکەی 30 لەسەتی خەڵکی وڵاتی ژاپۆن بەساڵاچوون و تەمەنیان بانتر لە 65 ساڵ دەبێت و زۆربەی ئەم ڕەقەمیشە تایبەت بە ئافرەتانی ئەو وڵاتەیە.