بەشەخۆراکی مانگانەی هاوڵاتیان گەیشتووە و پاش پشکنین دەست بەدابەشکردن ئەکرێت

(0) / / اقتصادی / زایەڵە بەشەخۆراک کوردستان هەرێم نەوزاد شێخ کامیل


Jun 29, 2022

قەبارەی فۆنت:

زایەڵە - بەڕێوەبەری گشتیی بازرگانی ئاشکرای کرد، شەکر و زەیت و برنج و دۆشا و  گەیشتووەتە کوردستان و پاش پشکنین دابەش ئەکرێت.

نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، ئه‌مڕۆ چوارشه‌ممه‌٢٩-٦-٢٠٢٢  ڕایگەیاند ، بەشەخۆراکی چوارەم بەردەوام دێت و دابەش ئەکرێت و شتێکی کەم ماوە و تەواو ئەکرێت .

سەبارەت بە دابەشکردنی سەبەتەی پێنجەمی بەشەخۆراک، نەوزاد شێخ كامیل وتی ، بەشەخۆراکی پێنجەم شەکر و زەیت و بڕێک برنج و دۆشاو و ئاری نۆک (له‌تكه‌نۆك) بەشێکی گەیشتووە و پاش پشکنینی لەلایەن کوالێتیی کۆنتڕۆڵی وەزارەتی تەندروستی دەست بەدابەشکردن ئەکرێت .

بەڕێوەبەری گشتیی بازرگانی جەختی کردەوە ،هەندێک ماددەی خۆراک ماون، کە هاتن و له‌ پشکنینەکان دەرچوون، ناوەستین ڕاستەوخۆ دەست بەدابەشکردنیان ئەکەین .

ئامادەکردنی-کامەران کەریم