ڕۆژانە بەنزینی پاڵپشتیکراو لە گەرمیان بە گوێرەی خواستی ھاوڵاتیان دابەش ئەکرێت
(0) /
زایەڵە - لەمەودوا ڕۆژانە بەنزینی پاڵپشتیکراو لە گەرمیان بە گوێرەی خواستی ھاوڵاتیان و شۆفێران دابەش دەکرێت و بەو ھۆیەشەوە گرفتی قەرەباڵغی بەنزینخانەکان نەماوە.
یادگار فەتاح بەڕێوەبەری نەوت و کانزاکانی گەرمیان بەزایەڵەی ڕاگەیاند، ڕۆژانە لە پێنج بەنزیخانە لە قەزاکانی کەلار و کفری، بەنزینی پاڵپشتیکراو بە ٨٠٠ دیناری و ٦٩٠ دیناری دابەش دەکرێت، بۆ پڕکردنەوەی خواستی شۆفێران و ھاوڵاتیان.
ئاماژەی بەوەشکرد، بۆ چاودێریکردنی کوالیتی بەنزینەکەش، ڕۆژانە پشکنین بۆ ئەو دوو جۆرە بەنزینە دەکرێت و شیاون بۆ بەکارھێنان.
ڕۆژانە ناوچەی گەرمیان پێویستی بە ٢٠٠ ھەزار لیتر بەنزینە، بۆ ئەو مەبەستە ڕۆژانە ھەشت تانکەر بەنزین دێتە ناوچەکە و دوو تانکەری بە نرخی ٦٩٠ دینار دەدرێت بە شوفێرانی پاس و تەکسی و چوار تانکەری دیکەیش بە ٨٠٠ دینار دابەش دەکرێت.
ئامادەکردنی- کامەران کەریم
تێبينيێك بنێرە: