قایمقامی سەیدسادق بۆ زایەڵە: لە دوای کاتژمێر ١٢ی شەوان سەرجەم کافتریا و هۆڵەکانی بلیارد دابدەخرێت

(0) / / کردستان / زایەڵە سەید سادق بلیارد


Jun 30, 2022

قەبارەی فۆنت:

زایەڵە - قایمقامی سەیدسادق ڕایگەیاند بڕیار دراوە لە دوای کاتژمێر (١٢) ی شەوان سەرجەم کافتریا و هۆڵەکانی بلیارد دابخرێن.

دیاری ڕەفیق  قایمقامی قەزای سەیدسادق لەوتووێژی  لەگەڵ پەیامنێری  زایەڵە  ڕایگەیاند ،  لە پێناو پاراستنی باری ئەمنی و سەرو ماڵی هاووڵاتیان و بە هاکۆمەڵایەتیەکانی قەزاکەمان دوای ڕوودانی چەندان ڕووداوی ناخۆش و دڵتەزێن ،  بریاریارماندا دا بە هەندێک ڕێنمایی و قەدەغەکردنی چەند دیاریدەی تر ، بۆ ئەو مەبەستە هەر خاوەن شوێنێک پابەند نەبیت بە توندی ڕووبەڕووی ڕێکاری یاسایی دەکەینەوو و مۆڵەتی کارکردنی لێ وەر دەگرینەوە.

وتیشی، لەبڕیارەکان  بریتین لە داخستنی سەرجەم کافتریا و هۆڵەکانی بلیارد و گەیم سەنتەر و کافیەکان دوای کاتژمێر (١٢)ی شەو تا کاتژمێر (١٠) ی بەیانی .قەدەغەکردنی چوونە ژوورەوەی مێرد منداڵانی خوار (١٨) ساڵ بۆ ناو کافتریاکان هۆڵەکانی بلیارد و کافیەکان و مێرد منداڵی خوار (١٢) ساڵ بۆ گێم سەنتەرەکان . دەست بەسەردا گرتنی ( چەک ، چەقۆ ، بۆکس خنجەر و هاوتاکانی ) لە ناو کافتریا و هۆڵەکانی بلیارد ، لە ناو هەر شوێنێک دەستی بەسەردا بگیرێت شوێنەکەی دادەخرێت .

ڕونیشیکردەوە ، هەروەها دەست بەسەردا گرتنی ( ئۆتۆمبیلی جام ڕەش و ماتۆڕ سکیلی بێ سەرەتا ).قەدەغەکردنی لە بەرکردنی پۆشاکی سەربازی لە لایەن ئەو هاووڵاتیانەی کە لە هیج دام و دەزگایەکی ئەمنی کارمەند نین . قەدەغەکردنی هەموو جۆرە قومار کردنێک لە ناو هۆڵەکانی بلیارد و گەیم سەنتەرەکان .دەرچوونی شەوانەی مەفرەزەکان لە هێزە ئەمنیەکان بۆ چاودێری کردنی سەرجەم ئەو شوێنانە و ناوبازار و کوچەو کۆڵانەکانی بە مەبەستی بنبڕکردنی ئەو دیاریدانەی کە دەبنە هۆی بیزارکردنی هاووڵاتیان.

هێمای بەوەشکرد ،  داواکارین لە دایکان و باوکانی ئازیز ، کە بە وردی چاودێری منداڵەکانیان بکەن و ڕێگەیان پێ نەدەن تا درەنگانێکی شەو لە بازار و کوچەو کۆڵانەکاندا بمێننەوە ، تا نەبێتە هۆی ڕووداوی نەخوازرا و کێشە و گرفت بۆ خۆیان هاووڵاتیانی تر .

ئامادەکردنی- کامەران کەریم