هەرزانبوونی نرخی ماددەخۆراكییەكان ڕاگەیەندرا

(0) / / اقتصادی / zayeLe زایەڵە نرخ مادەی خۆراکی بازاڕ


Aug 03, 2022

قەبارەی فۆنت:

زایەڵە - بەڕێوەبەری كۆمپانیای خۆراك لە سلێمانی ڕوونكردنەوە لەبارەی دابەشكردنی بەشەخۆراكی مانگانەی هاوڵاتییان دەدات و جەختیشدەكاتەوە كۆگاكان پڕن لە خۆراك، بەهۆی دابەشكردنی بەشە خۆراكی مانگانەوە نرخی ماددە خۆراكییەكان لە بازاڕدا هەرزانبوون.
شەوكەت محەحەد بەڕێوەبەری كۆمپانیای خۆراك لە سلێمانی لە لێدوانێكدا  ڕایگەیاند، دەستكراوە بە دابەشكردنی بەشەخۆراكی مانگی پێنجی ئەمساڵ و هاوشێوەی عێراق بەشە خۆراكمان دابەشكردووە كە ئەوانیش بەشە خۆراكی مانگی ئایار دابەشدەكەن و ماددەی خۆراكییەكانیش بریتین لە (فاسۆلیا، لەتكەنۆك، نیسك، دۆشاوی تەماتە، زەیت، شەكر و برنج).
ئاشكرایكرد، لە ئێستادا كۆگاكان-مان پڕن لە خۆراك و هیچ گرفتی كەمیی خۆراكمان نییە و بەردەوام دابەشكردنی خۆراك كاریگەری لەسەر هەرزانبوونی نرخەكانیان هەبووە و بەجۆرێك یەك كارتۆن زەیت نرخەكەی دابەزیوە بۆ 35 هەزار دینار و نرخی برنج جێگیربووە و دابەشكردنی خۆراك مانگانەش كاریگەریی لەسەر جێگیربوونی نرخی ماددە خۆراكییەكان لەسەر بازاڕ هەبووە.
ئامادەکردنی- کامەران کەریم