بەغداد پارەی گەنمی جوتیارانی هەرێم بۆساڵی 2015 و 2016 دەنێرێت
(0) /
زایەڵە - حكومەتی عێراق، 151 ملیار دینار رەوانەی هەرێمی كوردستان دەكات.
ئەو پارەیەی دەنێردرێت شایستەی دارایی جوتیارانی هەرێمە و پارەی گەنمی ساڵی 2015ـیە.
وەزیری بازرگانی دەڵێت، بەغداد پارەی گەنمی ساڵی 2016ـش دەنێرێت.
كەمال موسلیم وەزیری بازرگانی و پیشەسازیی هەرێمی كوردستان لە كۆنگرەیەكی رۆژنامەوانیشدا لە بەغداد ڕایگەیاند، بەغداد بەڵێنی خەرجكردنی پارەی گەنمی جوتیارانی هەرێمی كوردستانی بۆ ساڵانی 2015 و 2016 داوە و لە پڕۆژەیاسای بودجەی 2023دا دانراوە.
ئاماژەی بەوەشكرد، پارەی گەنمی جوتیاران بۆ ساڵانی 2015 و 2016 دەكەوێتە ساڵی داهاتوو، لەگەڵ وەزارەتی بازرگانیی عێراق قسەمان كرد و دڵنیایی تەواو دراوە كە پارەكە لەنێو بودجەی 2023ی عێراق دابینكراوە.
بڕیارە لە سەرەتای ساڵی داهاتوودا و دوای پەسەندكردنی پڕۆژەیاسای بودجە، پارەكە بۆ هەرێمی كوردستان بنێردرێت. وەزیری بازرگانی دەڵێت، "ئەگەر بودجەش پەسەندنەكرێت پارەكە رەوانەدەكرێت.
ئامادەکردنی- کامەران کەریم
تێبينيێك بنێرە: