زیاتر له ٢ تۆن و 500 كیلۆگرام هه‌نگوین و كاكڵه گوێز لە سلێمانی له‌ناوبرا
(0) /
زایەڵە - لیژنه هاوبه‌شه‌كانی قائیمقامیه‌تی سلێمانی زیاتر له دو تۆن و (500) كیلۆگرام هه‌نگوین و كاكڵه گوێز له‌ناو ده‌بات.
ئه‌مڕۆ له راپۆرتی لیژنه‌ی له‌ناوبردنی قائیمقامیه‌تی سلێمانیدا ئاماژه‌به‌وه كراوه، له‌ئه‌نجامی سه‌ردانه به‌رده‌وامه‌كانی لیژنه هاوبه‌شه‌كان بۆ دوكان و بازاڕ و شوێنه گشتییه‌كان و پشكنیینه‌كانیان و ده‌ستگرتن به‌سه‌ر ئه‌و كاڵاوشمه‌ك و خوارده‌مه‌نییه خراپانه‌ی شیاوی خواردن و به‌كارهێنان نین، لیژنه‌ی له‌ناوبردن به‌فه‌رمانی قائیمقامی سلێمانی زیاتر له دو تۆن و (500) كیلۆگرام هەنگوین، کاکڵە گوێز، خورما، شیلەی گەنمەشامی، ئاوی بەڕاد و رۆنی ئوتومبێل_ی له‌ناوچه‌ی ده‌ره‌وه‌ی نیشته‌جێبون له‌ناوبردوه.
بۆ گه‌یاندنی سكاڵا یان هه‌ر زانیارییه‌ك به لیژنه هاوبه‌شه‌كان، هاوڵاتیان ده‌توانن په‌یوه‌ندی به ژماره موبایلی (07708677777)بكه‌ن.
ئامادەکردنی- کامەران کەریم
تێبينيێك بنێرە: