سێ تۆمەتبار بەبڕێک دراوی ساختەوە دەستگیرکران
(0) /
زایەڵە - پۆلیسی سلێمانی ڕایگەیاند، مەفرەزەکانی بەشی پۆلیسی نەهێشتنی تاوانی سلێمانی- نوسینگەی ساختەکاری بەهاوکاری هێزی تایبەتی بارەگا 3 تۆمەتباریان بەبڕێک دراوی ساختەوە دەستگیرکرد کەبەنیاز بوون لەناوبازاڕدا ساغی بکەنەوە.
دوای ئەوەی لەلایەن مەفرەزەکانی نوسینگەی ساختەکاری و بەهاوکاری هێزی تایبەتی بارەگا چاودێری خرایە سەر 3 تۆمەتبار لەناوبازاڕی شاری سلێمانی، دەرکەوت کەبڕێک پارەی ساختەیان پێیەو بەنیازن ساغی بکەنەوە، بۆیە دەستبەجێ لەلایەن مەفرەزەکانەوە دەستگیرکران و لەکاتی دەستگیرکردنیشیاندا بڕی 19500 دۆلاری ئەمریکی ساختەیان پێبووە.
لەئێستادا هەر 3 تۆمەتبار بەبڕیاری بەڕێز دادوەر ڕاگیراون و لێکۆڵینەوە لەگەڵیان بەردەوامە.
ئامادەکردنی-کامەران کەریم
تێبينيێك بنێرە: