زایەڵە ـــ کێتی هوکول فەرمانداری شاری نییۆیۆرک، بەرهەمێنانی جۆرە کوودێکی کەمپۆست کە بە نێو کوودی کەمپۆستی ئینسانی ناوی لێ دەبرێت وەکوو کارێکی شیاو و یاسایی ڕادەگەینێت.
شاری نییۆیۆرک لە ساڵی 2019 بەملاوە شەشمین شاری وڵاتە یەکگرتووکانی ئەمریکایە کە ئەنجامی ئەو کارەیان وەکوو کارێکی یاسایی دانراوە.
وەبەرهێنانی کەمپۆستی ئینسانی ئەو ئیزن و دەرفەتە بە دانیشتوانی هەر شارێک ئەدات کە لە جیاتی ڕێوڕەسمی ئەسپەردە کردن و لە خاک ناشتن لە ڕەوتێکی کەسک و سازیار لەگەڵ ژینگەدا کەڵکوەربگرن.
ئێستاکە چەندین شار لە وڵاتە یەکگرتووەکانی ئەمریکا وەکوو واشێنگتۆن و کالیفۆڕنیا و ئێستاش نییۆیۆرک قانوونی A382 ێیان وەکوو قانوونی بەرهەمهێنانی کوودی کەمپۆستی ئینساییان لا پەسند کراوە.
لەم ڕەوتەدا تەرم دەنێو پارێزەکێ دادەنرێت کە تایبەتمەندی بەکارهێنانەوەی دووبارە هەیە و دەرکی نیوە ئاوەڵایە و شوێنێکی لەبارە بۆ گەشە و چالاکی میکرۆبەکان کە بریتییە لە تێکەڵای توێکڵ و کڵۆشەی دار و هەندێ کا و وێنجە. ئاکامی ئەم کارە لە هەر تەرمێت 36 بەستە خاک کە ماکی کانزایی لەبەر دەگرێت، پێک دێنێت کە وەکوو کوود کەڵکی لێ دەگیردرێت.
میشێل مێنتێر بەرپرسی گوڕستانی سروشتی و پارێزکراوی گرین سپرینگزی ناوەندی شاری نیۆیۆرک ئاماژە بەم بابەتە دەکات و دەڵێت: چی پێویست بێ دەیکەم تاکوو مرۆڤ لە گۆڕە بیتونی و تابۆتە ڕازاوەکان و مۆمیایی کردن ڕزگار بکەم. ئێمە بۆ ئەنجامی ئەم کارە لە هەموو ڕەوتێک پاڵپشتی دەکەین.
پێشتر هەوادارەکانی ئائینی مەسێح و کۆڕی کاتولیکەکان هەمبەر ئەو بڕیارە بوونەوە و گوشاریان خستۆتە سەر خانمی هوکول بۆ موڵغاکردنەوەی ئەو یاسایە. بە گوێرەی ڕاپۆرتی ڕۆژنامەی کاتولیکی کووریر ئەو ڕێکخراوە لەو باوڕەدایە کە ڕەوتی وەبەرهێنانی کوودی کەمپۆستی ئینسانی بەڕێزی کردن بە تەرمی مردووە.