بکوژی گەنجەکەی شاری سلێمانی دەستگیرکرا
(0) /
زایەڵە - بەڕێوەبەرایەتی ئاسایشی پارێزگای سلێمانی ڕایگەیاند کەمتر لە دوو سەعات بکوژی گەنجەکەی شاری سلێمانی دەستگیر کرا .
ئاسایشی پارێزگای سلێمانی ڕایگەیاند، پاش ئەوەی سەعات ٧:٣٠ ئەمشەو ٦ / ١ / ٢٠٢٣ گەنجێک بە ناوی ( ڕ ، خ ، ع ) لە کافتریایەکی نزیک پردی خەسرەوخاڵ لە شەقامی سالم کە کارمەندی کافتریاکە بووە لە لایەن کەسێکەوە بە چەکی جۆری ( دەمانچە ) تەقەی لێدەکرێت و گیان لەدەست دەدات .
پاش وەرگرتنی رەزامەندی دادوەر دەستکرا بە لێکۆڵینەوەی وورد لە ڕووداوەکە و دەستکەوتنی سەرەداو لەسەر هەڵاتنی بکوژەکە بۆ دەرەوەی شاری سلێمانی .
هێزەکانمان بە هاوکاری بەڕێوەبەرایەتی ئاسایشی گەرمیان توانیان کەمتر لە دوو سەعات تۆمەتباری ڕووداوەکە دەستگیر بکەن و ڕووبەڕووی یاسای بکەنەوە .
بەپێی لێکوڵینەوە سەرەتاییەکان دەردەکەوێت کە ڕووداوەکە بەهۆی کێشەی کۆمەڵایەتیەوە بووە .
ئامادەکردنی- کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: