کێشەی خزمەتگوزاری ناو پڕۆژەی نیشتەجێی  گۆیژە ستي/۲ چارەسەر دەکرێت

(0) / / گفتگو / زایەڵە گوێژ ستی /٢ ڕەمەزان نامیق


Apr 03, 2023

قەبارەی فۆنت:

زایەڵە - ئەندامێکی ئەنجومەنی پارێزگای سلێمانی بۆ زایەڵە ڕایگەیاند؛  کێشەی خزمەتگوزاری ناو پڕۆژەی نیشتەجێی  گۆیژە ستي/۲ چارەسەر دەکرێت .

ڕەمەزان نامیق  ئەندامی ئەنجومەنی پارێزگای سلێمانی  بەزایەڵەی ڕاگەیاند،    میوانداری هەریەکە لە لیژنەکانی قائیمقامیەتی قەزای مەڵبەندی سلێمانی و نوێنەری بەشداربوانی پڕۆژەی گۆیژەسیتی و کۆمپانیای خزمەتگوزاری ناوپڕۆژەکە و ئیشپێکەری مۆلیدەی ناوپڕۆژەکەمان کرد بەمەبەستی چارەسەرکردنی کێشەی خزمەتگوزاری لەناو گۆیژە سیتی دوو .

ناوبراو وتیشی،  دوای گفتوگۆکردن لەسەر کێشەکان کۆنوسێک ئامادەکرا کەتایبەتە بە چارەسەرکردنی خزمەتگوزاری و کەم و کوڕیەکانی ناوپڕۆژەکە و بڕیارە هەموو لایەک پابەندی بێت .

ئەوەشی خستەڕو، بۆزیاتر دڵنیابوونەوە جارێکی تر سەردانی پڕۆژەی ناوبراو دەکەین و هەرکەم و کوڕییەک هەبێت کۆمپانیای لێ ئاگادار دەکەین کە بەخۆشحاڵییەوە ئامادەیی دەربڕیوە هەر کێشەیەکی خزمەتگوزاری هەبێت چاکی بکات .

کامەران کەریم