حەکیم: هیچ سازان و پاشگەزبوونەوەیەک لە سەر فەڵەستین ناکرێت
(0) /
زایەڵە – سەرۆکی ڕەوتی حیکمەی نیشتمانیی عێراق لە پەیامێکدا بە بۆنەی ڕۆژی جیهانیی قودس وتی کە ئەم ڕۆژە تەنیا تایبەت بە موسڵمانان نییە، بەڵکوو ڕۆژێکی جیهانییە بۆ سەرجەم ئازادیخوازەکان و ناسنامەیەکە کە هیچ سازان و پاشگەزبوونەوەیەکی لە سەر ناکرێت.
سەید عەمار حەکیم وتی: قودس شارێکە کە ئائینە جیاجیاکانی لە خۆیدا کۆکردووەتەوە و دەبێت شوێنی پێکەوەژیانی ئاشتیانە بێت نەک ئەوەی کە ڕژێمی داگیرکاری زایۆنیستی بە سەریدا زاڵ بێت و هەوڵ بدات کە شارەکە بکاتە شاری لایەنگرانی یەک ئائین و لایەنگرانی ئائینەکانی دیکە لە پیرۆزییەکان و جێبەجێکردنی ئەرکە ئائینییەکانیان دوور بخاتەوە.
ناوبراو وتی: ڕۆژی قودس بە واتای ڕاگەیاندنی دژایەتییە لە گەڵ ڕژێمی داگیرکاری زایۆنیستی و جەختکردنەوەیە لە سەر پاڵپشتیکردنی گەلی فەڵەستین لە پێناو گەیشتن بە ئامانجەکانیان.
سەرۆکی ڕەوتی حیکمەی نیشتمانیی عێراق داوایکردووە کە موسڵمانان و ئازادیخوازەکانی جیهان بە ئیدانەکردنی تاوانەکانی ڕژێمی زایۆنیستی، بەرگری و پاڵپشتی لە گەلی فەڵەستین بکەن
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: