سەیدسادق.. خوێندکاران خۆپیشاندانیان ئەنجامدا
(0)
ئەمڕۆ لەبەردەم بینای پەروەردەی سەیدسادق لەبەرامبەر چەند داواکاریەک خوێندکارانی پۆلی 12 خۆپیشاندانیان ئەنجامدا.
بەگوێرەی ڕاپۆرتی زایەڵە ، پەروەردەی سەیدسادق ڕایگەیاند ، ئەمڕۆ ڕێکەوتی (٢٠٢١/٣/١٤) بەشێک لە خوێندکارانی پۆلی (١٢)ی ئامادەیی سنوری پەروەدەکەمان خۆپیشاندانێکیان ئەنجامدا بۆ بەردەم پەروەردەکەمان، لەلایەن بەڕێزان بەڕێوەبەری پەروەردە و سەرپەرشتیاری یەکەم بە وەکالەت و بەشێک لە سەرپەرشتیاران و لێپرسراوی هۆبەکانەوە پێشوازیان لێکرا.
باسی لەوەشکرد ، هاتنەکەیان بەمەبەستی گەیاندنی چەند داواکارییەک بووە کە بەشێک لە داواکارییەکان بۆ وەزارەت بوو بەشەکەی تری تایبەت بوو بە خوێندنگە ئامادەییەکانی سنورەکە، بەڕێز بەڕێوەبەری پەروەردە پەیوەندی کرد بە بەڕێزان وەزیری پەروەردە و بەڕێوەبەری گشتی پەروەردەی سلێمانی بەمەستی گەیاندنی داواکارییەکانیان، سبەینێ دوو شەممە نوسراو دەکرێت بۆ بەڕێوەبەرایەتی گشتی پەروەردەی سلێمانی و لەڕێگەی ئەوانەوە بۆ وەزارەتی پەروەردە بۆ گەیاندنی ئەو داواکاریانەی کە پەیوەندی بە وەزارەتەوە هەیە، هەر لەهەمانکاتدا کۆبونەوەی بەڕێوەبەری خوێندنگە ئامادەییەکان ئەنجام دەدرێت بۆ گەیاندنی بەشێک لە داواکاری خوێندکاران.
کامەران کەریم
تێبينيێك بنێرە: