له بۆسه‌یه‌كی چه‌كدارانی داعش 20 سه‌ربازی سووریا كوژران
(0) /
زایەڵە - له بۆسه‌یه‌كی چه‌كدارانی داعش له گوندێكی رۆژهه‌ڵاتی سووریا 20 سه‌ربازی ئه‌و وڵاته كوژران و چه‌ندانی تریش بریندار بوون.
به‌ره‌به‌یانی ئه‌مڕۆ هه‌ینی چه‌كدارانی داعش له گوندی مه‌یادین له ناوچه‌ی دێره‌زوور له رۆژهه‌ڵاتی سووریا بۆسه‌یان بۆ پاسێكی گواستنه‌وه‌ی سه‌ربازانی سووریا دانابووه‌وه و هێرشیان كرده سه‌ر سه‌ربازه‌كان.
له ئه‌نجامی هێرشه‌كه 20 سه‌ربازی سوپای سووریا كوژران و 10ی تریش بریندار بوون.
ئه‌مه له‌كاتێكدایه كه مانگی ڕابردووش چه‌كدارانی داعش به‌رپرسیاره‌تی ته‌قینه‌وه‌كه‌ی شه‌قامی ناوچه‌ی سه‌یده زه‌ینه‌ب له باشووری دیمه‌شقیان گرته ئه‌ستۆ، كه به‌هۆیه‌وه ده‌یان كوژرا و برینداری لێ كه‌وتبووه‌وه.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: