سەرکردەیەکی یەکێتی: ئێمە تاخاوەنی هەورامان بین سەربەرزانە دەژین
(0) /
زایەڵە - بێستون سابوراوایی ئەندامی سەرکردایەتی یەکێتی نیشتیمانی کوردستان بەزایەڵەی ڕاگەیاند:کێ گومانی هەیە لەوەی ناوچەی هەورامان و هەورامیەکان لە دەڤەرە دێرین و کوردە هەرە رەسەن و پارێزەرانی هەرە ئەمینی کەلتوری کوردەوارین و ، هەڵکۆڵینە کۆنەکان و کارە هونەریە دێرین و نوێیەکانیشیان لە ئاستە بەرزەکانی هونەری دەستڕەنگینی جیهانیدا خۆی دەبینێتەوە، هەورامان هەر لە کۆنەوە خۆی لە خۆیدا جۆرێک لە خۆبژیوی لامەرکەزی هەبووە و خواردن و خواردنەوە و پۆشین و ژیانگەی خۆی بە دەستی خەڵکە کارامە و پشتبەخۆبەستووەکانی دابین کردووە و بەوەش لە ناو کوردانداجێگایەکی بەرزی کۆمەڵایەتی و ژیاری و کوردپەروەری بۆخۆی داگیر کردوە.
وتیشی: تۆ بڵێی دوای ئەو هەموو مێژووی سەروەری و جوانی و کوردپەروەریی و کۆڵندانە واجبی هەموومان نەبێت لە زۆربەی شارەکانی کوردستاندا نەک هەر لە خورماڵ چەند پەیکەرێک بۆ کۆسەی هەجیج و کوردێکی هەورامی دروست نەکەین بە ڕانکوچۆغەی شاڵ و کوڵەباڵ وکەپەنکی شانی و کڵاش و پوزەوانەکانی پێی وکلێتەی سەری و باوڵە پڕ لە پێداویستیە جۆراوجۆرەکانی کۆڵی کە دوکانێکی گەڕۆک بوو بۆ گوندیەکانی کوردەواری، لە ژێریشیا بنوسین ئێمە تا خاوەنی هەورامان بین سەربەرزانە دەژین.
کامەران کەریم
تێبينيێك بنێرە: