مامۆستایەک لەڕێگای زایەڵەوە وەڵامی وەزارەتی پەروەردە دەداتەوە

زایەڵە - ئەندامی مەکتەبی سکرتاریەتی یەکێتی مامۆستایانی کوردستان جەختی لەسەر ئەوە کردەوە کە ساڵانە چەندین  مووچەی تەواومان  دەخورێت  لەژێر  ناوی  پاشەکەوت و لێبڕین، دەبوو  بەڕێزان  لەوەزارەت  داوایان  بکردایە هەرچی  زووە  پلەبەرکردنەوەی مامۆستایان  بگەڕێتەوە  لەگەڵ پێدانی  موچەیەکی پێش وەخته   نەک  داوا لەمامۆستایان  بکرێت  باجی  کارە هەڵەکانی حکومەت بدات و بەگیرفانی خاڵی و دەرونێکی ناجێگیرەوە  بگەڕێتەوە.
بەرهەم موستەفا ئەندامی مەکتەبی سکرتاریەتی یەکێتی مامۆستایانی کوردستان بە زایەڵەی ڕاگەیاند: ئێمەی  مامۆستایان چاوەڕێمان ئەکرد، وەزارەت  هاوهەڵوێست لەگەڵمان  داکۆکی لەمافە  زەوتکراوەکانمان  بکات و فشار دروست بکات  لەسەر  حکومەتی هەرێم، کە چارەسەرێکی گونجاو  بۆ  ژیان و گوزەرانی مامۆستایان بدۆزێتەوە، چونکە ئێمە  مەبەستمان  لەبایکۆت  دژایەتی خوێندن و پرۆسەکە نیە، هێندەی  مەبەستمان  دۆزینەوەی  چارەسەرێکی ڕیشەییە  بۆ   کێشەیەک  کەساڵانە  بەرۆکمان  دەگرێت.
وتیشی: ساڵانە چەندین  مووچەی تەواومان  دەخورێت  لەژێر  ناوی  پاشەکەوت و لێبڕین، دەبوو  بەڕێزان  لەوەزارەت  داوایان  بکردایە هەرچی  زووە  پلەبەرکردنەوەی مامۆستایان  بگەڕێتەوە  لەگەڵ پێدانی  موچەیەکی پێش وەخته   نەک  داوا لەمامۆستایان  بکرێت  باجی  کارە هەڵەکانی حکومەت بدات و بەگیرفانی خاڵی و دەرونێکی ناجێگیرەوە  بگەڕێتەوە.
ڕاشیگەیاند: لەئێستا دا   سنورێکی  بەرفراوان  بایکۆتی کردووە ، نەک هەندێ ناوچە  وەک لەڕاگەیاندراوەکەی بەڕێزان لەوەزارەتی پەروەردە ئاماژەی پێدراوە  ،  نزیکەی  75 هەزار مامۆستا  بایکۆتی کردووە ، لەسنوری سلێمانی ، ئیدارەی ڕاپەڕین، ئیدارەی گەرمیان، هەڵەبجە، کەرکوک، کۆیە  و خانەقین بۆیە  داواکارین  لەوەزارەتی  پەروەردە  چارەسەرێکی گونجاو  بۆ کێشەی بایکۆتی  مامۆستایان  بدۆزێتەوە  ، کە تەنها  بەگێڕانەوەی  مافەکانی  ئەبێت . ئەوکات  هەموولایەک  پرۆسەکە  سەردەخەین.بۆیە بەردەوامین  لەبایکۆت تا ئاوڕێکی جدی  لە کێشەکانمان ئەدرێتەوە.
کامەران کەریم