ئەرکی ئیسلامییەکان لەم قۆناغەدا
(0) /
زایەڵە - کامیل مەحمود نوسەرو ڕۆژنامەنوس بە زایەڵەی ڕاگەیاند: ئیسلامیەکان لەسەر ئاستی حزب و ڕێکخراو ئەوەی لەدەستیان هات وەک ئەرکی ئایینی و ئەخلاقی و ئینسانی بۆ برا مەزڵومەکانیان لەغەزە ئەنجامیان دا کەبریتییە لەهاسۆزی و خەم و دڵتەنگی بۆ ئەو خەڵکە هەژارە، کاتی ئەوەیە لەگەڵ ئەو خەباتە ویژدانیەشدا ئاڕاستەی چالاکیە جەماوەرییەکانیان بەرەو مەیدانە پڕ لەستەم و ناعەدالەتیەکەی وڵاتەکیان بگۆڕن، حاڵی گەلەکەی خۆمان مەگەر هەر ئەوەندە لەغەزەییەکان باشتر بێت کە کۆمەڵکوژی جەستەیی ناکرێن .
وتیشی: بەڵام هەندێ جار سزای دەروونی و کوشتنی ڕوح و هەناوی ئینسان لەکوشتنی جەستەیی بەئازارترە، پێویستە ئیسلامییەکان جیاوازی هزر و ئایدۆلۆژیا تێپەڕێنن و لەگەڵ هێزە سیاسیەکانیترو گشت دەنگە ناڕازی و توڕەکانی کۆمەڵگەی کوردی ئەرکە نەتەوەیی ونیشتیمانییەکەی ئێرەش ئەدا بکەن و پێکەوە ببنە فریادڕەسی کۆمەڵگەکەیان.
کامەران کەریم
تێبينيێك بنێرە: