هەنگاوەكان بۆ چارەسەری كێشەی مووچەی مووچەخۆرانی هەرێم خرایەڕوو
(0) /
زایەڵە - ئەندامێكی پەرلەمانی عێراق عێراق رایدەگەیەنێت: سێ رێگا لەبەردەم حكومەتی هەرێمدایە بۆ چارەسەركردنی كێشەی مووچەی مووچەخۆرانی هەرێم و دەشڵێت، "هەمواری یاسای بودجە پێویستی بە كات و رێككەوتن هەیە.
دارا سێكانیانی ئەندامی پەرلەمانی عێراق بەزایەڵەی ڕاگەیاند: بۆ چارەسەركردنی كێشەی مووچەی مووچەخۆران، حكومەتی هەرێم لەبەردەم سێ رێگایەدا كە هاوشێوەی ئەم سێ مانگە قەرز وەربگرێت و یاخود بودجەی پەرەپێدانی پارێزگاكان خەرجبكرێت و پشكی خۆی وەربگرێت بەو هەنگاوە دەتوانێت كێشەی كورتهێنان چارەسەربكات و ئەگەر ئەم دوو هەنگاوە كاری لەسەر نەكرا ئەوا یاسای بودجە هەمواربكرێتەوە.
ئاشكراشیكرد، یاسای بودجە پێویستی بە كات و رێككەوتن هەیە بەو پێیەی پشووی پەرلەمانی دەستپێدەكات.
بە بڕوای ئەو پەرلەمانتارە پێویست بوو لە ماوەی رابردوودا حكومەتی هەرێم بە داهاتی ناوخۆ كێشەی مووچە نەدراوەكانی مووچەخۆرانی هەرێمی چارەسەربكردایە.
کامەران کەریم
تێبينيێك بنێرە: