ئامادەبوونی کۆمەڵگای وەرزشی ئێران بۆ خۆپیشاندان دژ بە ڕژێمی زایۆنی
(0) /
زایەڵە ـــ کۆمەڵگای وەرزشی ئێران لە خۆپیشاندان دژ بە جەنایەتەکانی ڕژێمی زایۆنی ئامادەبوونێکی بەرچاویان هەبوو.
ڕێوڕەسمی خۆپیشاندانی کۆمەڵگای وەرزشی ئێران بە مەبەستی پاڵپشتی لە گەلی چەوساوەی فەلەستین و خەڵکی غەززە بەڕێوەچوو و خەڵکی ئێران بە تایبەت وەرزشوانان بەمەبەستی ئیدانەکردنی ژینوسایدی ڕژێمی زایۆنی ڕژانە سەرشەقام.
لەو ڕێوڕەسمەدا زۆربەی لە کەسایەتیە ناسراو و بەناوبانگەکانی کۆمەڵگای وەرزشی ئامادەبوون لەوانە، کیومەرسی هاشمی وەزیری وەرزش و لاوان، مەحموودی خوسرەوی وەفا سەرۆکی لێژنەی نیشتمانی ئۆڵۆمپیک، غەفووری کارگەری سەرۆکی لێژنەی پارئۆڵۆمپیک، مێهدی تاج سەرۆکی فیدراسیۆنی تۆپی پێ، موحەمەدی پوولادگەر جێگری قارەمانی وەزارەتی وەرزش و کۆمەڵێکی زۆر لە گەنجانی وەرزشوان و سەرۆکی فیدراسیۆنەکانی دیکە.
کیومەرسی هاشمی وەزیری وەرزش لە پەراوێزی ئەو ڕێوڕەسمەدا گوتی: کۆمەڵگای وەرزشی و وەرزشوانانی ئێمە وەکوو هەمیشە بە ئامادەبوونی خۆیان لەم خۆپیشاندانەدا پاڵپشتی تەواوی خۆیان لە خەڵکی غەززە ڕاگەیاند و جەنایەتەکانی دژ بە مرۆڤایەتی ڕژێمی زاێۆنی ئیدانە دەکەن.
کەژاڵ حەمیدی
تێبينيێك بنێرە: