قائیمقامی دەربەندیخان پێشوازیکرد لە بەڕێوەبەری گشتی ڕۆشنبیری و هونەری پارێزگای کوردستان + وێنە
(0) /
زایەڵە - سڵێمان محەمەد سەعید قائیمقامی قەزای دەربەندیخان ڕۆژی پێنجشەممە لە دیوانی قائیمقامیەت بەئامادەبوونی بەڕێزان بەڕێوەبەری ڕۆشنبیری و هونەری دەربەندیخان و بەڕێوەبەری کارگێڕی فێستیڤاڵی شانۆی شەقامی دەربەندیخان پێشوازیی کرد لە بەڕێزان (عەلی ئەسغەر دەریایی) بەڕێوەبەری گشتی ڕۆشنبیری و هونەری پارێزگای کوردستان (سنە) و (ڕەشید مەحمودی) جێگری بەڕێوەبەری گشتی بۆ کاروباری سینەما و هونەر .
سەردانەکەی وەفدی میوان بەمەبەستی لەنزیکەوە ئاگاداربوون و بەشداریکردنیان بوو لە حەوتەمین فێستیڤاڵی نێودەوڵەتی شانۆی شەقامی دەربەندیخان و لە دانیشتەکەدا باسیان تێکەڵی کلتوری و هونەری نێوان هەرێمی کوردستان و ڕۆژهەڵاتی کوردستان کرا ، بەتایبەت لەڕووی بەڕێوەچوونی فێستیڤاڵی شانۆی شەقام و هەماهەنگیکردن لە کاتی بەشداریکردنی گروپەکانی فێستیڤاڵ لەنێوان هەردوولا.
پاشان بەڕێز قائیمقام بەیاوەری وەفدی میوان بەشدارییان لە بیینی یەکێک لە شانۆکان کرد کە لە پارکی شار بەڕێوچوو.
کامەران کەریم
تێبينيێك بنێرە: