کـێ براوەیە؟

قسەی زۆرھەن ناکرێن، زۆر قسەش دەکرێن ھیچ نین، زۆر بابەت ھەن پێویستە بدرکێن، زۆر درکاندنیش ھەن بێسوودن.

ئەوەی خوێندەوارەو ئەوەشی نەخوێندەوار، وەک یەک لەلای حکومەتدا مووچە وەردەگرن.

چ پەرلەمانتاربیت یاخود ھاووڵاتی، ھەردووکیان وەک یەک گلەییان لە حکومەت ھەیە.

 دکتۆر بیت یانیش نەخۆش، لە ناڕازیی بەرانبەر سستەمی تەندروستی وەک یەک گلەییان ھەیە.

گۆرانیبێژ و گوێگر، بەیەکەوە رەخنە لە ھونەری کوردی دەگرن، پێیانوایە کارەساتە دۆخەکە وابەردەوامبێت.

مامۆستاو خوێندکار بەیەکەوە لە سستەمی پەروەردە ناڕازین و دەڵێن: وێرانەیە.

بەشێکی رۆژنامەنووس و سیاسیەکان لەیەککاتدا ھەم دۆستن و ھەمیش دووژمن، یەک بۆچوونن لە دوو گۆشەدا.

چاودێرانی سیاسیی و فەیسبووکڤانان لەیەک بەرەن، ئەوان لەتیڤی تەحلیل دەکەن و دووەمیش بەپۆست.

چالاکڤانان و ئەستێرە کارتۆنیەکانی سۆشیالمیدیا، بەھەمان شێوە یەکن، یەکەمیان لەسەر شەقام دەنگ ھەڵدەبڕێ و دووەمیش لە تیکتۆک و سناپچات.

لە کۆتایی کەس براوە نییە، ھەمووی تێکڕا ھەم پاڵەوانە ھەمیش قوربانی.

بژار حەکیم - نوسەر و ڕۆژنامەنوس