گۆڕینی پەردەی کەعبەی پیرۆز

Jul 19, 2021

وەک هەموو ساڵێک ڕۆژێک پێش جەژنی قوربان، پەردەی کەعبەی پیرۆز نوێ کرایەوە.
بەپێی ڕاپۆرتی زایەڵە،عەرەبستان سەرلەبەیانیی ئەمڕۆ، پەردەی کەعبەی وەک هەموو ساڵێک لە 9ی زیحەجە و ڕۆژی عەرەفە نوێ کردەوە و گۆڕی.
ئاژانسی هەواڵی فەرمی عەرەبستان (واس) بڵاوی کردەوە کە پەرەدی کەعبە بە پەردەی نوێ لە جۆری حەریر گۆڕدراوە.
بەرزایی پەردەکە 14 مەترە و درێژییەکەی 47 مەتر بە هێڵێکی 95 سانتی مەتری لە ناوقەدیدا.
ئەم پەردەیە لە 16 پاژ بە شێوەی چوارگۆشە دروست کراوە و ئایەتی قورئانی پیرۆزی لە سەرە و «یا حی یا قیوم»، « یا رحمن یا رحیم» و «الحمد الله رب العالمین» لە سەر نەخشێندراوە.
بەگوێرەی ئەم هەواڵە پەردەی نوێی کەعبە نەخشێندراوە بە ئایاتی قورئان لە جۆری زێڕ و زیو.