زایەڵە - دوای کشانەوەی ئەمریکا لە ئەفغانستان ئەگەری کشانەوەشی لە عێراق و هەرێمی کوردستان مشتومڕێکی گەورەی دروستکردوە، کە بەش بە حالی خۆم ئەوە بەدوور نازانم و ڕەنگە سەرسوڕهێنەرتر لە ڕۆژئاوا و ئەفغانستان بکشێتەوە.
بێگومان، هەلومەرجەکانی هەرێمی کوردستان و ئەفغانستان بە هەردوو لایەنی پۆزەتیڤ و نە گەتیڤ جیان، بەڵام ناکرێ هەرێم بۆ خراپترین پێشهات خۆی ئامادە نەکا و بەرپرسەکانیشی هەر بالۆرەی خۆراگری و بەرەنگاری لێ بدەنەوە.
دیارە ئەمریکا سیناریۆی جۆراو جۆری لەبەر دەستدان و ئەنجامیش ئەو سیناریۆیە جێبەجێ دەکا کە زیاتر لە بەرژەوەندیی خۆیەتی. ڕەنگە یەکێک لەو سیناریۆیانە پێدانی ڕۆڵێکی زیاتر بێ بە تورکیا لە هەرێم و عێراق، بە تایبەت کە تورکیا ئەندامی ناتۆ و هاوپەیمانی سەربازیەتی.
من دەپرسم ئەگەر هاتوو بەو پاساوەی سەرەوە فڕۆکەخانەی سەربازیی هەریری بە تورکیا سپارد، ئایا چی دەقەومێ و هەردوو حکومەتی عێراق و هەرێم هەڵوێستیان چی و چۆن دەبێ؟

یەکەم کەس بە بۆ ناردنی تێبینی.

کشانەوەی ئەمریکا و فرۆکەخانەی هەریر! / ئارێز عەبدوڵلا