لەهەموو  ئایدیایەکی  دەسەڵاتدا، کاری  سەرەکی دابین کردن و ڕەخساندنی خۆش گوزەرانی و دابین کردنی ژیانێکی  شەرەف مەندانە و باشە  بۆ ئەو هاونیشتیمانیانەی    بڕیارە تۆ حوکمیان  بکەیت. ێەمە فەلسەفەی  حوکمڕانی  دروست  و گونجاوە .

کە دێیتە سەر حوکمڕانی هەندێک لە وڵاتانی ڕۆژهەڵات  بەتایبەت  کوردستان هاوکێشەکە تەواو  پێچەوانە  دەبێتەوە . بۆ هەموولایەک  ڕوونە  ئەم وڵاتە  چەندە خێر و بێری سەر زەوی و ژێر زەوی تیایە. کەچی تاکەکانی برسین گەنجەکانی هەڵدێن ڕۆشنبیرەکان خەفە ئەکرێن  کەسایەتی  ناودار و  دیار ئەشکێنرێن خەڵک  دەم کوت  ئەکرێ. من تێناگەم  دەسەلات  تا کەی  ئەیەوێ  بەردەوام بێت  لەم جۆرە  مامەڵەیە و کەی ئەم فۆرمی حوکمڕانیە ئاڵوگۆڕ  پێ  دەکات .  یانی  ئەبێت  کاربەدەستان  چۆن لەم میللەتە مەزڵومە بڕوانن  وادەزانن  بە کۆیلە  دەکرێت لەناو چوار چێوەیەک  بەناو  هەرێم .

ئەم جۆرە لەسیاسەت  کردن  لە حوکمڕانی  دەرئەنجامەکەی  باش  نابێت . من پێم وایە خەڵک  تینی  بۆ هاتووە  ئێ زۆر  سەبری گرت زۆر دانی بەخۆیدا گرت، بەلام  پەتی سەبریش  زۆر  ناروات خەڵک  ناتوانێ تاسەر لەزەحمەت و زەلالەت دا بێت. دەبێت خەڵکانێک  بەجدی  بێنە  سەر خەت  لە کاربەدەستان  کەمێک لە  ژیان و گوزەرانی  خەڵک  بگەن .

باشتر وایە  دەسەڵات  بە هۆش  بێتەوە لەم بێدەنگیەی خەڵک تێفکرێ، هەڵەیە وابزانی ئەم بێدەنگیە  واتە قبول کردنی  شتە نامۆ و  بێزراوەکان، من پێم وایە شۆڕشی  برسی زۆر  خەتەرناکە خەڵک کە تینی برسێتی بۆ هات و برسی  بوو  ئیتر پەتی  سەبری  ئەپچڕێ  و ئەوکاتە هەموومان  زەرەرمەند  دەبین  .

ئومێد  دەکەم هێشتا  خەڵاکانێک  هەن  عاملی  خێرن  بۆچونەکانیان  بەهەند  وەربگیرێت  و کاری لەسەر  بکرێت، هەرگوێ  بەکاسەلێس و کۆیلە نەگیرێ، بارودۆخ  وامان پێ  ئەڵێ  داهاتوو  باش   نیە  زۆر  قوربانی  دراوە  کەسانی  خەمخۆڕ  دەبێت  بیر  لەم هەمووە  ساڵە  بەرخۆدان قوربانیە  بکەنەوە، بەم شێوەیە  ئەم هەمووە گرانی و قات و قڕییە  بەردەوام بێت  داهاتوویەکی زۆر لێڵ  و خراپ  چاوەڕوانی  هەموومان  دەکات .