1 / 8
2 / 8
3 / 8
4 / 8
5 / 8
6 / 8
7 / 8
8 / 8

(0) / / زنان / زایەڵە ژنان گەرمیان ٨ی مارس


Mar 08, 2022

قەبارەی فۆنت:

لە یاداشتەکەی ناوەندی رێکخراوەکان، وێڕای ئەوەی جەخت لە پاراستینی مافەکانی ژنان کراوەتەوە، چەند داواکارییەک خراوەتەڕوو.

بەپێی ڕاپۆرتی زایەڵە، لە رۆژی (٨ی مارس)دا ناوەندی هاوبەشی رێکخراوەکانی ژنان لە گەرمیان و ژمارەیەک لە چالاکوانان، لەبەردەم دیوانی ئیدارەی گەرمیان گردبونەوەیەکیان سازدا و یاداشتێکیان ئاراستەی ئیدارەی گەرمیانک. کرد، لای خۆیەوە رامیار عەبدولڕەحمان جێگری سەرپەرشتیاری ئیدارەی گەرمیان، یاداشتەکەی لێوەرگرتن و پشتیوانی خۆی بۆ داواکاری رێکخراوەکان دووپاتکردەوە و رایگەیاند، هیوادارین هەمووان پێکەوە هاوکار بین بۆ ئەوەی مافەکانی ژنان بەدیبێت و ئێمەش لە ئیدارەی گەرمیان پاڵپشت و پشتیوان دەبین بۆ ئەو مەبەستە.

لە یاداشتەکەی ناوەندی رێکخراوەکان، وێڕای ئەوەی جەخت لە پاراستینی مافەکانی ژنان کراوەتەوە، چەند داواکارییەک خراوەتەڕوو لەوانە:

١ . پێویستە کاربکرێت بۆ رێگری لە چەکی بێ مۆڵەت لە ماڵاندا، کەهۆکارە بۆ کوشتنی ژنان.

٢ . سەروەری یاسا لەکاتی لێپێچینەوە لە تاوانباران.

٣. رێگری لە هاوسەرگیری پێشوەختە لەدادگاکانی کورستان و عێراق.

٤ . دەستی حزب لە ناو دادگاکان وەدور بخرێت.

کامەران کەریم