بەڕێوەبەری گشتی تەندروستی هەڵەبجە ڕایگەیاند کە کێشە تەندروستیەکان دەگەیەنرێنە بەغداد.

د. ئازاد موستەفا بەڕێوەبەری گشتی تەندروستی هەڵەبجە بە زایەڵەی ڕاگەیاند، ‎‎بەرێز چرۆ حەمەشەریف پەرلەمانتاری عێراق لە فراكسییۆنی یەكێتی وەك یەكەم پەرلەمانتار  بۆ پرسی بەركەوتوان وكەموكوڕیەكانی نەخۆشخانەكەیان سەردانی بەرێوبەرایەتی گشتی تەندرووستی هەڵەبجە و پاشان نەخۆشخانەی چارەسەری بەركەوتوانی چەكی كیمیایی كرد  و لە نزیكەوە بینی ‎خزمەتەكانی نەخۆشخانەكەی لە بودجەی حكومەتی هەرێمی كوردستان و حكومەتی فەرەنسی هەڵسانگاند .

وتیشی، ‎ناردنەدەرەوەی بەركەوتوانی چەكی كیمیایی و پرسی هێنانی پزیشكانی پسپۆری نەخۆشیەكانی سنگ و چاومان  لە كۆماری ئیسلامی ئێرانەوە تاووتوێكرد، ‎بەڵێنی دابوو كاتی بانگەشەی هەڵبژاردن خزمەتی بەركەوتوان بكات ئێمە داواكاریەكانمان  لە حكومەتی عێراقی پێشكەش بە بەرێزیان كرد چاوەرێ یان دەكەین ودڵنیاین لە تواناكانی.

ڕونیشیکردەوە، ‎لە كۆتاییدا پاش پێزانینی بۆخزمەتەكانی نەخۆشخانەكە‎ پێمان ڕاگەیاند بە دەر لە وەرنەگرتنی ئەو نەخۆشخانەیە لە لایەن كۆمپانیایی جێ بەجێكارەوە ‎ئێستا لە هەموو كوردستان شوێنك خزمەتی بەركەوتوانی چەكی كیمیایی تیا بكرێت بەدەر لەو هەمووئاستەنگانەی بۆی دروست دەكرێن تەنها و تەنها نەخۆشخانەی بەركەوتوانی چەكی كیمیاییە، لە رۆژانی ١٣-١٤-١ی ئازار ٢٠٢٢ پزیشكانی پسپۆری هەناوی و سنگ و  چاو  بە هەماهەنگی یەكیێتی نیشتمانی كوردستان و كۆماری ئیسلامی ئێران سەردانی نەخۆشخانەكە ئەكەن.

‎داوا لەو ٣٥٠ سێ سەد و پەنجا بەركەوتەیە لە سنووری پارێزگای هەڵەبجە و سلێمانی و هەولێر دەكەین كە تا ئێستا ناویان نوسراوە و پشكنینی تەواوەتیان ئەنجام داوە پابەند بن بەو كات ورۆژەی بۆیان نوسراوە، بە پێچەوانەوە ئێمە ناتوانین لە دەرەوەی كات و بەرواری دیاری كراو بیانبینین.

کامەران کەریم