زایەڵە - وەزارەتی تەندروستیی هەرێم ڕایگەیاند، لە ڕووداوی تەقینەوەکەی شەوی ڕابردووی دهۆک کە بەهۆی سیستمی غازەوە ڕوویدا چوار کەس گیانیان لەدەستداوە و 33 کەسیش برینداربوون.
وەزارەتی تەندروستی ڕایگەیاند، دهۆک درەنگانی ئەمشەو تاوەکو بەرەبەیان د. سامان بەرزنجی وەزیری تەندروستی لە سەردانێکی مەیدانێدا، ڕەوشی بریندارانی ڕوداووی تەقینەوە و ئاگرکەوتنەوەی ئەمشەوی بەشی ناوەخۆەیی و تیمەکانی پزیشکی فریاکەوتنی خێرا و ئەمبوڵانس و نەخۆشخانەی فریاکەوتنی لە پێشوازیکردن و چارەسەرکردنی برینداران و پێداویستی قوربانیانی ڕوداووی شاری دهۆک و پزیشکان و کارمەندانی تەندروستی بەسەرکردەوە.
ئاماژە بەوەش دراوە؛ بەداخەوە 4 کەس گیان لەدەستدان و 33 برینداری دیکەی دەرەنجام بوو کە بەشێکیان باری تەندروستیان خراپە و لەژێر چاودێری چڕی پزیشکێدایە.
ئامادەکردنی- کامەران کەریم
