زایەڵە - ئەندامێكی ئەنجومەنی پارێزگای سلێمانی لەبارەی دانانی بڵندگۆ لەسەر شارەوانی هەڵەبجە بۆ بانگەشەكردن بۆ جێندەر ڕایگەیاند: دانانی بڵندگۆیەک بە فرت و فێڵ و بڵاوکردنەوەی چوار ڕستەی سواوی فیکری نامۆ بە ئاین و کلتور، کارێکی مناڵانە و نەزۆکە.
خەدیجە عەبدولجەبار ئەندامی ئەنجومەنی پارێزگای سلێمانی بڵاویكردەوە،کارێک بە فریودان و بەلاڕێدابردن ئەنجام بدرێ کارێکی ترسنۆکانەیە و دیارە ڕووی ئاوەدانی نیە، هەربۆیە چارەنووسی بە شکست و سەرشۆڕی خاوەنەکەی کۆتایی دێت.
ئاماژەی بەوەشكرد، سەرەڕای دەستخۆشی بۆ هەڵوێستی بەڕێز سەرۆکی شارەوانی هەڵەبجە و خەڵکی جوامێری ئەو شارە ، ئەپرسم دانانی بڵندگۆیەک بە فرت و فێڵ و بڵاوکردنەوەی چوار ڕستەی سواوی فیکری نامۆ بە ئاین و کلتور و ڕەسەنایەتی خەڵکەکەی جگە لەوەی کارێکی مناڵانە و نەزۆکە.
ڕاشیگەیاند، ئەگەر خۆتان بەدڵسۆزی هەڵەبجە دەزانن ئایا بۆ بیر ناکەنەوە خەڵکی هەڵەبجە پێویستیان بە چ خزمەتێکە، تا ئێستاش خزمەتگوزاری قەزایەک زۆرباشترە لە پارێزگای هەڵەبجەی سوتماک و چەندجار شەهید.
ئامادەکردنی- کامەران کەریم
