زایەڵە - بەڕێوەبەری چاودێری و بازرگانیی سلێمانی رایدەگەیەنێت، بەپێچەوانەی گۆشتی سوور نرخی مریشك لە بازاڕەكاندا دابەزیوە و یەك كلیۆ مریشك بە كەمتر لە دوو هەزار و 500 دینار دەفرۆشرێت و لەكاتێكدا مانگی رابردوو یەك كلیۆ مریشك گەیشتە 4250 دینار.
سۆران عەبدولغەفور، بەڕێوەبەری چاودێری و بازرگانیی سلێمانی لە لێدوانێكدا رایگەیاند، كێڵگە پەلەوەرییەكان بەرهەمیان زۆربووە زیاتر لە لە 700 كێڵگەی پەلەوەری بەرهەمیان هەبووە و ئەوەش وایكردووە نرخەكەی دابەزێت.
ئاماژەی بۆ ئەوەش كرد، ئێستا یەك كیلۆ مریشك بە 2350 دینارە لە كاتێكدا مانگی رابردوو نرخی یەك كیلۆ گەیشتە 4250 دینار، بەڵام دوای تەواوبوونی بەرهەمی كێڵگە پەلەوەرییەكان نرخەكەیان بەرزبوونەوە بەخۆوە دەبینێت