زایەڵە - ئاوات شێخ جەناب وەزیری دارایی و ئابووری رایگەیاند، پێویستە ئەو فەرمانبەرانەی خانەنشین كراون و رێكارەكانیان تەواو بووە، بەپێی رێنوێنییەكان مامەڵەیان لەگەڵ بكرێت.
لەمبارەیەوەو بەپێی نووسراوێكی ئاوات شێخ جەناب وەزیری دارایی و ئابووری كە ئاراستەی سەرجەم فەرمانگەكانی حكوومەتی هەرێمی كوردستان كراوە، بڕیار درا بە درێژكردنەوەی هەردوو گشتاندنی ژمارە 19ـی ساڵی 2020 و ژمارە شەشی ساڵی 2022 بۆ ماوەی 60 ڕۆژ تایبەت بە خانەنشینی.
ئاماژە بەوەشكراوە : ئەو فەرمانبەرانەی خانەنشین كراون و پاداشتی خانەنشینیان وەرگرتووە، دووبارە دادەمەزرێنەوە یان دەگەڕێنەوە سەر كار، دوای دەرچوونی ئەو گشتاندنە بەپێی رێنوێنییەكانی ژمارە 106ـی ساڵی 2000 و ژمارە شەشی ساڵی 2011، مامەڵەیان لەگەڵ دەكرێت، بەپێچەوانەوە بەڕێوەبەری كارگێڕی و خۆیەتی و سەرۆكی فەرمانگەكە، بەرپرس دەبن و رێكاری یاساییان بەرانبەر دەگیرێتەبەر.
ئامادەکردنی- کامەران کەریم
