زایەڵە - سه‌رۆكى هه‌رێمى كوردستان لە هەولێر لەگەڵ نێردەی سەرۆكی ئەمریكا بۆ كاروباری رۆژهەڵاتی نێوەڕاست و باکووری ئەفریقا کۆبووەوە و تاوتوێی دۆخى نێوخۆیى هه‌رێمى كوردستان و پرۆسه‌ى يه‌كخستنى پێشمه‌رگەیان کرد.
نێچيرڤان بارزانى، سه‌رۆكى هه‌رێمى كوردستان شه‌وی دووشه‌ممه 16-01-2023، پێشوازى له برێت مەکگۆرک، نێردەی سەرۆكی ئەمریكا بۆ كاروباری رۆژهەڵاتی نێوەڕاست و باکووری ئەفریقا كرد كه به ياوه‌ريى شاندێكى باڵاى وڵاته‌كه‌ى سه‌ردانى هه‌رێمى كوردستانیان کرد.
بەگوێرەی راگەیێندراوی سەرۆکایەتیی هەرێمی کوردستان، دوايين پێشهاته سياسييه‌كانى عێراق، په‌يوه‌ندييه‌كانى ئه‌مريكا له‌گه‌ڵ عێراق و هه‌رێمى كوردستان، په‌يوه‌ندييه‌كانى هه‌ولێر - به‌غدا و گفتوگۆى چاره‌سه‌ركردنى كێشه‌كانيان، دۆخى نێوخۆیى هه‌رێمى كوردستان و پرۆسه‌ى يه‌كخستنى پێشمه‌رگه‌یان تاوتوێ كرد.
له كۆبوونه‌وه‌کەدا ئامۆس هۆكستاين، نێرده‌ى سه‌رۆكايه‌تيى ئه‌مه‌ريكا بۆ ژێرخانى جيهانى و ئاسايشى وزه و ئالينا رۆمانۆوسكى، باڵيۆزى ئه‌مه‌ريكا له عێراق ئاماده‌ی بوون.
