زایەڵە - ئالان حەمە سەعید، وەزیری پەروەردەی حکوومەتی هەرێمی کوردستان ڕاگەیاند، سبەی شەممە 25ی3ی 2023، دەوامی قوتابخانەکان و ناوەندەکانی خوێندن لە وەزارەتی پەروەردە دەستپێدەکاتەوە.
لەبارەی کەمکردنەوەی دەوامی قوتابخانەکان بەهۆی مانگی ڕەمەزانەوە، وەزیری پەروەردە، وتی،بەهۆی مانگی ڕەمەزانەوە هەر وانەیەک پێنج خولەک کەمکراوەتەوە و کراوەتە 35خولەک.
لەپاڵ کەمکردنەوەی پێنج خولەک بۆ هەر وانەیەک، بە بڕیاری وەزارەتی پەروەردە،مامۆستایان بۆیان هەیە تەنها ئەو کاتانە لە قوتابخانە بن کە وانەیان هەیە ، ئەوکاتانەی کە وانەیان نییە بوونیان لە قوتابخانە ئیلزامی نابێت.
کامەران کەریم
