زایەڵە - عیماد جەمیل سەرۆکی تیمی راگەیاندنى کۆمیسیۆنی باڵاى ھەڵبژاردنەکانی عێراق رایگەیاند: رۆژی یەکشەممە تۆمارکردنی ناوی کاندیدە سەربەخۆکان کۆتاییھات و، لەئێستاشدا تەنھا ناوی کاندیدانی پارت و ھاوپەیمانییەکان تۆماردەکرێت، کە ئەوەش هه‌تا 20ى ئەم مانگە بەردەوام دەبێت.
عیماد جەمیل ئاماژه‌ى بۆ ئه‌وه‌شكردووه: 296لایەنی سیاسی خۆیان بۆ بەشداریکردن لە ھەڵبژاردنی ئەنجومەنی پارێزگاکان تۆمارکردووە، بەڵام تائێستا ناوی کاندیدەکانیان پێشکەشی کۆمیسیۆن نەکردووە.
شایه‌نى باسه له ھەڵبژاردنی ئەنجومەنی پارێزگاکانی عێراقدا لایەنەکان کێبڕکێ لەسەر بەدەستھێنانی 285 کورسی دەکەن، کە 200یان بۆ پیاو و 75 بۆ ژنان و 10كورسیشیان بۆ پێکھاتەکان تەرخانکراوە.
کامەران کەریم
