زایەڵە - گوتەبێژی پۆلیسی شاری سلێمانی نەقیپ سەرکەوت ئەحمەد ڕایگەیاند: ئەمڕۆ پێنجشەممە 21/9/2023، بەھۆی کێشەیەکی کۆمەڵایەتییەوە، لە گەڕەکی بازیانی شاری سلێمانی، کەسێک بە دەستڕێژی گوللە کوژرا.
روونیشی کردەوە: کوژراوەکە تەمەنی 53ساڵە و خێزاندارە، خەڵکی شاری هەولێرە، چەند ساڵێکە بەهۆی کێشەی کۆمەڵایەتییەوە هاتۆتە سنووری سلێمانی و لە بازیان نیشتەجێ بووە.
گوتەبێژی پۆلیسی سلێمانی ئاماژەی بەوەش کرد: ھێزەکانی پۆلیس پەڕاوی لێکۆڵینەوەیان بۆ ڕووداوەکە کردووەتەوە و لە ھەوڵی دەستگیرکردنی بکوژەکەدان.
کامەران کەریم
