زایەڵە - وەزارەتی شارەوانی ڕایگەیاند: بەمەبەستی پەرەپێدانی پرۆژە خزمەتگوزارییەكانی شارەكە، وەزارەتی شارەوانی و گەشتوگوزار فەرمانێكی وەزاری دەركرد بۆ خەرجكردنی گوژمەی 482 ملیۆن دینار بۆ شارەوانیی كەلار بەمەبەستی جێبەجێكردنی پرۆژەی خزمەتگوزاری لە شارەكەدا.
ڕونیشێکردەوە: ئەو گوژمەیە لەسەر ڕێژەی (100%)ی داهاتی فرۆشتنی زەویی ڕوكنی شارەوانییە لە سنووری سەرۆكایەتیی شارەوانیی كەلار، لەسەر پلانی ساڵی 2023 و بەپێی پلانی پرۆژەكان بەمەبەستی جێبەجێكردنی پرۆژەی چاكسازیی شەقامی سەرەكیی كەلار-كفری (جادەی ئەنفال) ڕەزامەندی لەسەر خەرجكردنی درا.
کامەران کەریم
