زایەڵە - هەولێر و بەغدا لەبارەی دابینکردنی نەوتی سپی بۆ هاووڵاتییانی هەرێمی کوردستان رێککەوتن و نەوتی سپی بۆ تەواوی هاووڵاتییان دابین دەکرێت.
رێبین زەنگەنە بەڕێوەبەری گشتی دیوانی وەزارەتی سامانە سرووشتییەکانی حكومه‌تی هه‌رێمی كوردستان رایگەیاند: وەزارەتی سامانە سرووشتییەکان و وەزارەتی نەوتی عێراق رێککەوتوون هاوشێوەی ناوەڕاست و باشووری عێراق، نەوتی سپی بۆ تەواوی هاووڵاتیان لە هەرێمی کوردستان تەرخان بکرێت و وەک دەستپێک بڕی 50 ملیۆن لیتر نەوتی سپی بۆ هەرێمی کوردستان دابین بکرێت و دواتریش بە چەند قۆناغێکی دیکە، نەوتی سپی بۆ تەواوی هاووڵاتیان لە هەرێمی کوردستان تەرخان دەکرێت.
وتیشی: پێویستی ساڵانەی هەرێمی کوردستانیش لە نەوتی سپی 264 ملیۆن لترە.
کامەران کەریم
