زایەڵە - بەرهەم موستەفا ئەندامی سکرتاریەتی یەکێتی مامۆستایانی کوردستان بەزایەڵەی ڕاگەیاند: کە دەچینە بەغداد 74 ڕۆژ لەپرۆسەی پەروەردە بایکۆت کراوە ، لەکۆی 200 ڕۆژی خوێندن .کەدەچینە بەغداد زیاتر لە 3000 قوتابخانە و خوێندنگا داخراوە و 70 هەزار مامۆستای هەمیشەیی و وانەبێژ بایکۆتیان کردوە .
وتیشی: کە دەچینە بەغداد زیاتر لە 56 مووچەمان لەژێر ناوی موچەی تەواو و پاشەکەوت و لێبڕین لێ زەوت کراوە.کەدەچینە بەغداد بەنایاسایی لە 1ـ1ـ2016 وە پلە بەرزکردنەوەمان ڕاگیراوە.لەم هەرێمە تێگەیشتین لەوەی کە بۆ دەسەڵات پرۆسەی پەروەردەو گوزەرانی مامۆستایان گرنگ نیە ، بۆیە ئەم پەیامە ئەبەینە بەغداد و ڕووی ڕاستەقینەی ئەم دەسەڵاتە دەرئەخەین و هەوڵ ئەدەین شەقامی عەرەبی و نێوەندە جیهانیەکان لە یاساشکێنەکانی هەرێم تێبگەیەنین و بزانن کەچۆن دەسەڵاتی دەغەڵ و مشەخۆر لەهەرێم پارە کۆدەکەنەوە لەڕێگەی دزینی سەرخان و ژێرخانی کوردستانەوە ، وە بێباکن لە ژیانی هاوڵاتیەکانیان کە پڕیەتی لەنەهامەتی .
ڕونیشیکردەوە: وانەی ئەمجارەی مامۆستایان لەشەقامی تەحریرەوە دەبێت لەشاری بەغداد داواکارین مامۆستایان و فەرمانبەران بەشداربن و پەیوەندی بکەن بەو ژمارانەی بڵاوکراوەتەوە ، داوا لەکوردانی دانیشتووی بەغداد ئەکەین هاوشانمانبن لەساحەی تەحریر ، تا بەگوڕو تینێکی باشتر دەنگی خۆمان بگەیەنن ،ئەوەی دەمێنێتەوە جێ ی دەهێڵین بۆ مێژوو کەلەداهاتودا بۆ نەوەکانمانی تۆمار بکات کە ئێمەی بەدبەخت ، خاوەنی چ جۆرە ،دەسەڵاتێکی خۆسەپێن و تەزویرچی بووین ، کەلەسەر دەستی ئەوان خوێندن بەرەو کەنارێکی نائارام و شکت ڕۆشتووە.
کامەران کەریم
