زایەڵە - ئەمڕۆ سێ شه‌ممە 5ی کانوونی یەکەم، ئافرەتێکی عەمرەکاری هه‌رێمی کوردستان بەناوی ( تەلا سلێمان محمد) لە سعودیە کۆچی دوایی کرد.
ئەو عومرەکارە تەمەنی 66 ساڵە و خەڵکی شاری سلێمانییە و بە مەبەستی ئەنجامدانی عەمرە سەردانی سعوودیە کردووە، دوای تێكچوونی باری ته‌ندروستی و مانه‌وه‌ی دوو رۆژ له نه‌خۆشخانه ئه‌مرۆ کۆچی دوایی کرد.
هاوکات، دوای وەرگرتنی ڕەزامەندی کەسوکارییان بڕیارە لە حەرەمی مەککە نوێژی لەسەر بکرێت و پاشان لە گورستانی مەککە بە خاک بسپێردرێت.
لە سەرەتای دەستپێکی وەرزی عەمرەوە تاوەکو ئێستا 11 عەمرەکاری کورد لە سعودیە کۆچی دواییان کردووە، کە 4 پیاو و 7 ئافرەت بوون.
کامەران کەریم
