زایەڵە ـــ میدیایەکی ئسپانیایی دوێنی هەینی ڕاپۆرتی داوە کە تیپی بارسێلۆنا لە یارییەکەی دۆستانەدا ڕۆژی هەینی بەرانبەر بە تیپی ئەمریکایی سوودێکی سەیر و سەمەری دەست کەوتووە.
"بارسێلۆنا دۆڕای بەڵام 5 ملیۆن دۆلاری دەستکەوت" ئەمە سەردێڕی ڕاپۆرتی دوێنی گوڤاری "موندۆ دپورتیوو"ی ئسپانیا لەمەڕ دیداری دوو تیپی بارسێلۆنا و تیپی کلاپی ئەمریکا بووە.
تیپی بارسێلۆنا دوێنی لە یارییەکی دۆستانەدا لە ئەمریکا بوون بە میوانی تیپێکی بێناوی کلاب کە بە ئاکامی 3 بەر 2 تووشی شکست بوون.
بەپێی ڕاپۆرتی میدیاکانی ئسپانیایی بارسێلۆنا بەهۆی ئامادەبوون لە یاری دۆستانەی کۆتایی نیو وەرزی لالیگا، 5 ملیۆن دۆلار بەرانبەر لەگەڵ مووچەی تەواوی هەموو یاریزانەکانی بۆ ماوەی یەک حەوتە، دەستکەوت.
بارسێلۆنا بە 38 سەرپشکەوە نیووەرزی یەکەمی بە جێگیر بوون لەسەر پلەی سێهەم کۆتایی پێهێنا.
کەژاڵ حەمیدی
