زایەڵە - وتەبێژی بەنزینخانەکانی سلێمانی رایگەیاند: لە کاتژمێر چواری ئێوارەی ئەمڕۆوە نرخی هەر سێ جۆرەکەی بەنزین لە بازاڕەکاندا دادەبەزێت.
بەهمەن شێخ قادر وتەبێژی بەنزیخانەكانی سلێمانی رایگەیاند: بەنزین لە هەر سێ جۆرەکەی نۆرماڵ و موحەسەن و سوپەر بۆ هەر لیترێك 25 دینار دادەبەزێت، لە کاتژمێر چواری ئێوارەی ئەمڕۆوە.
لەبارەی هۆکاری دابەزینی نرخی بەنزینەوە بەهمەن شێخ قادر رایگەیاند بەرهەمی ناوخۆ زۆرە و بەنزینە 750 دینارییەکەی ناوخۆ کوالیتی باشتر بووە لە جاران و خەڵکیش تاقیدەکەنەوە و بەکاری دەهێنن.
بەو جۆرەش، لیتریک بەنزینی نۆرماڵ لە 900 دینارەوە دەبێتە 875 دینار، بەنزینی موحەسەن لە 1125 دینارەوە دەبێتە 1100 دینار و سوپەر کە 1275 دینارە دەبێتە 1250.
کامەران کەریم
