زایەڵە - مقدم بەرزان عوسمان موحەمەد وتەبێژی بەڕێوەبەرایەتی پولیسی پارێزگای هەڵەبجە بەزایەڵەی ڕاگەیاند: کاتژمێر 6.45دەقەی ئەمشەو هاوڵاتییەک بەناوی "علی ئەوڕحمان قادر" تەمەن 85ساڵ خانەنشین، دانیشتوی پارێزگای هەڵەبجە گەڕەکی گوڵان لەکاتی چونی بۆنوێژی عیشا لەبەردەم مزگەوتی گوڵان لەلایەن چەکدارێکەوە تەقەی لێ دەکرێت و بریندار دەکرێت پاش گەیاندنی بۆ نەخۆشخانەی فریاکەوتنی هەڵەبجە بەهۆی سەختی برینەکەی گیان لەدەستدەدات.
وتیشی: لەئێستادا تەرمەکەی ڕەوانەی پزیشکی دادی پارێزگای هەڵەبجە کراوە و، دۆسیەی لێکۆڵینەوە بۆڕووداوەکە لەبنکەی پولیسی هەڵەبجە ڕێکخراوە، تیمی هاوبەشی پولیس و ئاسایش لێکۆڵینەوە لەڕووداوەکە دەکەن بۆدۆزینەوەی بکوژی هاوڵاتیەکە.
کامەران کەریم
