زایەڵە - نزیکەی مانگێکە نەجمەدین محەمەدی تەمەن 74 ساڵ لە قەرەداغ ون بووە و تا ئێستانەدۆزراوەتەوە، تیمە فەرمییەکان وکەسوکارەکەشی وازیان لە گەڕان هێناوە بەدوایدا.
ئەو پیاوە 1.5.2024 لە ماڵەوە و بە نیازی کردنی گژوگیای بەهارە چووەتە شاخ و لەوکاتەوە ون بووە، نزیکەی 20 رۆژ تیمەکانی فریاکەوتن گەڕاون، بەڵام هیچ ئاسەوارێکی پیاوەکەیان نەدۆزیوەتەوە.
رەئوف کەمال، قایمقامی قەزای قەرەداغ رایگەیاند، نازانن ئەو پیاوە چی لێهاتووە و هەموو هەوڵێکیان بۆ دۆزینەوەی داوە.
وتیشی، بەهۆی ئەوەی وەرزی گەرما هاتووە و مەترسیی مار و حەشەری دیکە هەیە تیمەکان و کەسوکارەکەشی لە گەڕان وەستاون، بەڵام تیمی پۆلیسی دارستان بەردەوام هەرچییان بینی بەدوایدا دەچن.
کامەران کەریم
