زایەڵە ـ نرخی کارەبای مۆلیدە ئەهلییەکان لە سلێمانی و هەولێر بۆ مانگی 5 دیاریکران و یەک ئەمپێر لە سلێمانی لەنێوان 6750 بۆ 8000 دینار دەبێت و و لە هەولێریش لەنێوان 6500 دینار بۆ 12000 دینار دەبێت.
عوسمان محەمەد، سەرۆکی کۆمەڵەی مۆلیدە ئەهلییەکان لە سلێمانی رایگەیاند، رۆژانە لەناو گەڕەکەکانی شاری سلێمانی، 6 کاتژمێر کارەبای مۆلیدە دەدرێت بە هاونیشتمانییان و تاوەکو کۆتایی ئەم مانگە 170 بۆ 180 کاتژمێر کارەبایان پێدەدرێت، هەندێک گەڕەکیش 180 بۆ 190 کاتژمێر کارەبای مۆلیدەیان پێدەدرێت.
وتیشی، بۆ ئەم مانگە بەگوێرەی نرخی سووتەمەنی، بۆ هەر کاتژمێرێک کارەبای موەلیدە 40 دینار دیاریکراوە و لەو گەڕەکانەی رۆژانە شەش کاتژمێر کارەبای مۆلیدەیان پێدراوە، 6750دینار بۆ 7250 دینار بۆ یەک ئەمپێر وەردەگیرێت، ئەو گەڕەکانەش کە کارەبای زیاتریان پێدراوە 7500 دینار بۆ 8000 دینار وەردەگیرێت.
لەشاری هەولێریش لەم مانگەدا 160 بۆ 300 کاتژمێر کارەبای مۆلیدەیان داوە و نرخی یەک ئەمپێر لەنێوان 6500 دینار بۆ 12000 دینار دەبێت.
کامەران کەریم
