زایەڵە - کارەبای سلێمانی ڕایگەیاند: ئه‌مڕۆ دووشه‌ممه 3/6/2024 لیژنه‌ی دیاریكردنی نرخی موه‌لیده ئه‌هلییه‌كان کۆبوونەوە و به‌پێی نرخی سوته‌مه‌نی له بازاڕه‌كاندا نرخی هه‌ر كاتژمێرێك بۆ یه‌ك ئه‌مپێر (40) دینارە، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی له ناو شاری سلێمانی ئەوانەی بەرنامەی گەڕەكەكان كاریان كردوە له‌نێوان (6.250) بۆ (7.500) دیناردایه، بەو پێیەى موەلیدەکان لە نێوان (160 بۆ 185) کاتژمێر کاریان کردوە، به‌هۆی جیاوازی كارکردنیان، نرخی ئه‌مپێرێك كاره‌بای موه‌لیده‌ی گه‌ڕه‌كێك بۆ گه‌ڕه‌كێكی دیكه جیاواز ده‌بێت، جگە لەو موەلیدانەی بەرنامەی كاركردنیان 7ی بەیانی بۆ 1 ی شەو بووە.
سەبارەت بەرنامە كارەبای موەلیدە بۆ مانگی حوزەیران 24 سەعاتی دەبێت واتە هەركاتێك كارەبای نیشتیمانی كوژایەوە ئەوان كارەبا بدەن.
لیژنه‌ی دیاریكردنی نرخی موه‌لیده ئه‌هلییه‌كان، له‌كۆنووسه‌كه‌دا جه‌ختیان له‌وه كردوه‌ته‌وه كه له‌كاتی كوژاندنه‌وه‌ی كاره‌بای نیشتمانی نابێت كارپێكردنی موه‌لیده و پێدانی كاره‌با به‌هاوڵاتیان له (10) خوله‌ك زیاتر بخایه‌نێت، به‌پێچه‌وانه‌وه خاوه‌ن موه‌لیده‌كه سزا ده‌درێت.
کامەران کەریم
