زایەڵە ـــ کارلۆس ئالکاراس سەدمین حەوتەی بەردەوامی خۆی لە کۆڕی 5 تێنیسۆری سەرووی جیهاندا بەسەر دەبات.
کارلۆس ئالکاراس، تێنیسۆری ژمارە 2ی جیهان سەدمین حەوتەی بەردەوامی خۆی لە کۆڕی 5 کەسی سەرووی ڕێنکینگی ATP بەسەر دەبات، ئەو تێنیسۆرە ئسپانییاییە پاش گەیشتن بە بەشی فیناڵ پێشبڕکێیەکانی ATP ــ 500 لە هامبۆرگی ئەڵمانیا بۆ یەکەم جار لە 25ی ژوئییەی 2022 نێوی چووە نێو پێرستی 5 کەسی سەرووی جیهاندا.
کارلۆس ئالکاراس 36 حەوتە لە 100 حەوتەی خۆی لە ڕیزی یەکەمی ڕێنکینگی ATP دا تێپەڕاندووە.
ناوبراو لە تەمەنی 19 ساڵاندا وەکوو لاوترین ژمارە یەکی جیهان لە مێژووی تێنیسی پیاوانی جیهاندا دێتە ئەژمار، ئالکاراسی تەمەن 21 ساڵان سێ جار پلەی پاڵەوانێتی گرەند ئسلمی بەدەست هێناوە.
شایانی ئاماژەیە کە ناوبراو خاوەنی پێنج عینوانی پێشبڕکێیەکانی دەستەی مێستێرزە.
کەژاڵ حەمیدی
