زایەڵە - هەردوو تیمی وەزارەتی کارەبا و وەزارەتی سامانە سروشتییەکان لەسەر هێڵن بۆ چارەسەری گرفتی کەمبوونەوەی کارەبا.
وەزارەتی کارەبای حکومەتی هەرێم بڵاویکردەوە، ئەمڕۆ چوارشەممە بەهۆی کێشەیەکی تەکنیکییەوە کاتژمێر 9ی بەیانی، داناغاز هەناردەکردنی غازی لە کێڵگەی کۆرمۆرەوە وەستا، بەهۆیەوە دوو هەزار مێگاوات کارەبا لە وێستگەکانی بەرهەمهێنانی کارەبا کەمبووەوە.
دەشڵێت، هەردوو تیمی وەزارەتی کارەبا و وەزارەتی سامانە سروشتییەکان لەڕێگەی سەنتەری کۆنتڕۆڵی کارەبای هەرێمەوە لەسەر هێڵن بۆ چارەسەرکردنی گرفتەکەو ئاساییبوونەوەی دۆخی کارەبا.
کامەران کەریم
