زایەڵە - بە تۆمەتیی گەندەڵى، دەستەی دەستپاکی عێراق سزای چوار ساڵ زیندانیکردنی بۆ لێپرسراوی بەشی یاسایی دیوانی پارێزگای کەرکوک دەرکرد .
بەپێی راگەیەنراوێکى دەستەى دەستپاکى عێراق، ئەرکان لەتیف عەلی لێپرسراوی بەشی یاسایی دیوانی پارێزگای کەرکوک تێوەگلاوە لە گەندەڵیکردن لە قەپانى ئۆتۆمبێل و پارەى زیادەى لە شۆفێران وەرگرتوە.
ئاماژە بۆ ئەوەکراوە کە لە تێچوی قەپانی ئۆتۆمبێلی بارهەڵگردا ئەو بەرپرسەى کەرکوک لەبری وەرگرتنی پێنج هەزار دینار لە شۆفێران ، بڕى 20 هەزار دینارى بۆ قەپانى بارى شۆفێرانى بارهەڵگر وەرگرتوە.
لەسەر تێوەگلانى لەو گەندەڵییەوە دەستەی دەستپاکی بەپێی مادەی 331ی سزادانی عێراقی سزای ئامادەنەبوی بۆ بەرپرسەکەی پارێزگای کەرکوک دەرکردوە و گەشتی دەرەوەی وڵاتیشی لێ قەدەغەکراوە و سزاى زیندانى بۆ ماوەى چوار ساڵ بۆ دەرکراوە.
کامەران کەریم
