زایەڵە ـــ زۆرانگری فەرەنگی کێش قورسی نیشتمانی وڵاتی ئێران لە یارییەکانی ئۆڵۆمپیای پاریسی 2024دا یەکهم مەدالیای خۆی تۆمار دەکات
بەشی زۆرانی فەرەنگی یارییەکانی ئۆڵۆمپیا لە کێشی 130 کیلۆگرامدا بەڕێوەچوو و تێدا ئەمینی میرزادە لە خولی یەکەمدا بە ئاکامی 3 بەر 1 ئادام کۆنی ئەمریکی تووشی شکست کرد ، پاشان لە خولی دیکەدا بەرانبەر بە میخاین لوپز خاوەنی 4 مەدالیای زێڕی ئۆڵۆمپیا و 5 مەدالیای زێڕی و 3 مەدالیای زێوی جیهانی یارییەکەی دۆڕا.
نوێنەری وڵاتی ئێران لە خولێکی دیکەدا لەگەڵ سەباح شەرێعەتی زۆرانگری بە ڕەچەڵەک ئێرانی و خەڵکی ئەزەربایجان ڕووبەڕوو بوویەوە بە ئاکامی 4 بەر 0 ناوبراوی تووشی شکست کرد و بوو بە خاوەن مەدالیای بڕۆنز. کەوا بوو کاروانی وەرزشی ئێران یەکەم مەدالیای ئۆڵۆمپیای 2024ی پاریسی تۆمار کرد.
کەژاڵ حەمیدی
