زایەڵە - کارەبای سلێمانی بڵاوی کردەوە،لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) ئەمڕۆ سێشەممە 27/8/2024 کۆبوونەوەیەکی سازکردو تیایدا نرخی کیلۆواتی کارەبای موەلیدەی بۆ مانگی ئاب (8) دیاریکرد، کە بریتییە لە (255) دینار بۆ هەر کیلۆواتێک.
بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە، نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە (ئاب) بریتییە لە (255) دینار.
جێى ئاماژەبۆکردنە مانگى 7 (تەمووز) نرخى کیلۆواتێک کارەباى موەلیدەى ستییەکان (258) دینار بوو .
پێویستیشە سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.
کامەران کەریم
